【秒懂敏感成因🧐快找冷色系植物幫手！】

大行其道的冷色系植物不但可以快速舒緩敏感，更有消炎，退痘的功能。

冷色系植物有 :

藍艾菊

藍蓮花

洋甘菊

印度苦楝樹

蕁麻葉

大麻

大家在選購產品時不防留意多些有沒有以上成份。

皮膚敏感成因一：角質層受損

角質層作為皮膚最關鍵嘅屏障結構，功能好壞並唔係取決於角質層嘅厚度，而係角質層嘅完整性。當角層受損就會導致皮膚容易過敏，例如接觸紫外線後出現泛紅等跡象。

皮膚敏感成因二：日常生活壞習慣

由於面部皮膚比較嬌嫩脆弱，所以唔少日常生活中嘅壞習慣都會容易導致皮膚出現敏感，包括以下幾種：

1.天氣轉變和溫度變化
秋冬濕度低，乾燥肌膚容易泛紅、出疹和龜裂；炎熱潮濕的夏季，強烈的紫外光照射肌膚，亦令肌膚出現紅腫和痛癢等過敏現象。

2. 經常用過熱嘅水洗面

用熱水洗面可以令毛孔擴張，令人有放鬆、舒緩嘅感覺，但過熱嘅水會刺激皮膚，令皮膚保護膜受到破壞而變得乾燥，容易引起過敏症狀；洗面水溫可以根據皮膚性質而調節，例如乾性皮膚可使用30~34°C微溫暖水，而油性皮膚可使用相對較暖嘅水，約36-38°C。

3. 過度摩擦皮膚

洗面時或洗面後，唔少女士們都會用手或者毛巾大力搓揉面頰，以為能夠洗得更乾淨，但用力過度不但會加重皮膚負擔，更會令皮膚因過度摩擦而受損，令皮膚容易敏感；其實只要用配合適合的潔面產品，用手輕輕打圈就已經可以洗得足夠乾淨，之後用乾淨毛巾輕輕印乾，就可以好好保護幼嫩的皮膚喇！

4. 化學刺激

市面上有形形式式嘅化學類潔面產品，而深層清潔等有強力清潔效果嘅產品相對化學成分亦會較刺激，因此呢一類型產品一星期最多使用1-2次，日常盡量選用溫和嘅潔面產品，避免破壞表皮油脂平衡，產生過敏。

5. 外界致敏原刺激空氣中的懸浮粒子、有害物質會刺激肌膚和堵塞毛孔，引起過敏和發炎。而衣物、床舖和地毯上的塵蟎、毛髮和皮屑，亦會誘發肌膚痕癢和出疹。

預防及鎮靜方法

想防止皮膚敏感，就要從日常護膚做起：

溫柔對待自己嘅皮膚

日常清潔面部或者卸妝時，應使用溫和嘅潔面、卸妝產品，卸妝要用卸妝棉，切勿用大力搓揉嘅方法「強行卸妝」。

做足防曬

紫外線對皮膚嚟講係一大負擔，如果經過長期日曬，當中嘅UVA會破壞面部皮膚細胞結構，令肌膚防禦力下降，容易產生敏感。

做好舒緩保濕

皮膚過乾容易引起敏感狀況，所以日常要多為肌膚補充水分，令皮膚保持喺水潤、健康狀態。而除咗外塗保濕產品之外，平時都要飲多啲水，由內補充身體水份。

避免用刺激性的化妝護膚品

造成皮膚敏感的成份有好多，有啲人對酒精過敏，有啲就可能因為其他化學成份，而美白產品就大多比較刺激，最好都避免使用呢啲產品，多用天然、少添加的化妝護膚品，可以嘅話就盡量少化妝，減低皮膚的負擔。